Iginiit ni House lead prosecutor at Batangas Rep. Gerville “Jinky Bitrics” Luistro na may konstitusyonal na tungkulin si Vice President Sara Duterte na personal na humarap sa Senate impeachment court sa pagsisimula ng kanyang impeachment trial sa Hulyo 6.
Ayon kay Luistro, bagama’t pinapayagan ng impeachment rules na katawanin ng abogado ang bise presidente, ang hindi niya pagdalo ay ituturing lamang na pagpasok ng “not guilty” na plea.
Binigyang-diin din ni Luistro na ang pagharap sa impeachment court ay bahagi ng pananagutan ng mga opisyal ng gobyerno alinsunod sa prinsipyong “public office is a public trust.”
Nakumpleto na ng Senate impeachment court ang pre-trial proceedings at inaasahang sisimulan ang paglilitis matapos ilabas ang pre-trial order.
