Voter registration mula Lunes hanggang Biyernes na lang simula Nov. 9 – Comelec

Simula Nobyembre 9, mula Lunes hanggang Biyernes na lamang ang voter registration para bigyan daan ang disinfection sa kanikanilang mga field offices tuwing Sabado.

Sa isang statement, inanunsyo ni Comelec spokesperson James Jimenez na mula alas-8:00 ng umaga hanggang alas-3:00 ng hapon lamang ang voter registration.

Pero sa mga critical areas sa ilalim ng localized enhanced community quarantine, sinabi ni Jimenez na suspendido pa rin ang pagpaparehistro alinsunod na rin sa Resolution No. 10674.

Pinaalalahanan din ni Jimenez ang publiko na mahigpit na sundin pa rin ang precautionary measures kapag magpapatala sa gitna ng COVID-19 pandemic.