Ikinasal na ang bokalista ng bandang True Faith na si Medwin Marfil sa kaniyang partner na si Mark Angeles.
Sa social media accounts nito ay nagpost ito ng larawan kasama ang asawang si Mark.
Mayroon caption ito na “May 11, 2024 Rockaway Beach, Pacifica, California.
May caption din ito na pink heart na mayroong dalawang singsing na may diamonds na indikasyon ng pagsasama nila.
Ikinasal ang dalawa sa California, USA kung saan legal ang same-sex marriage.
Bumuhos naman ang pagbati sa dalawa habang may ilang netizens ang nagulat sa nasabing balita.
Naging pribado ang buhay ni Medwin kung saan ngayon lamang niya binuksan sa publiko ang kaniyang relasyon.
Ang bandang True Faith ay sumikat pa noong dekada 90 kung saan ilan sa mga kanta nilang pinasikat ay ang “Huwag Na Lang Kaya”, ” Kung Ok Lang Sa’Yo” at maraming iba pa.
