Top team Milwaukee Bucks lumasap ng unang talo sa Hawks

Nagtala na ng unang pagkatalo ang Milwaukee Bucks nang masilat sila ng Atlanta Hawks sa kalamangan na 19 points na nagtapos sa score na 117-98 sa pagpapatuloy ng NBA games.

Kumamada ng 25 points, eight rebounds at 11 assist si Dejounte Murray para tuluyang ipahiya ang kampo ng Bucks (9-1).

Habang nasayang naman ang pagpapakitang gilas ng superstar player ng Bucks na si Giannis Antetokounmpo na may 25 points at seven rebounds.

Sa ngayon hawak ng Hawks ang 7-3 na kabilang sa best record sa Eastern Conference.