Sinibak na ni US President Donald Trump ang isang mataas na opisyal ng Department of Homeland Security na kinontra ang kanyang pahayag kaugnay sa umano’y may naganap na malawakang dayaan sa nakalipas na halalan.
Ginawa ni Trump ang pagtanggal kay Chris Krebs, director ng Cybersecurity and Infrastructure Security Agency sa pamamagaitan ng Twitter message.
“The recent statement by Chris Krebs on the security of the 2020 Election was highly inaccurate, in that there were massive improprieties and fraud,” ani Trump sa kanyang social media account. “Therefore, effective immediately, Chris Krebs has been terminated as Director of the Cybersecurity and Infrastructure Security Agency.”
Matapos malaman ang pagkakaalis sa puwesto, agad ding sumagot si Krebs sa pamamagitan din ng Twitter message.
“Honored to serve. We did it right. Defend Today, Secure Tomrorow. #Protect2020.”
Samantala ang CISA Deputy Director na si Matt Travis, ang tumatayong No. 2 sa ahensiya ay nag-resign na rin makaraan ang ginawa ni Trump.
