Taylor Sheesh labis ang takot na naranasan matapos atakihin habang kumakanta sa Bayambang, Pangasinan

Nakaranas ng trauma si Taylor Sheesh matapos na atakihin ito sa isang show sa bayan ng Bayambang sa Pangasinan.

Nangyari ang insidente nitong nakaraang Sabado kung saan kabilang siya sa naimbitahan sa kapiyestahan ng nasabing bayan.

Habang nagtatanghal ito at papalapit sa audience ay makikitang isang lalaki ang tila sinuntok ang kaniyang leeg.
Bahagyang napahinto ang singer sa pagkanta.

Sa kaniyang social media ibinahagi niya ang pangyayari kung saan labis ito ng nanginginig.

Humingi naman ng paumanhin si Bayambang Mayor Nina Jose- Quiambao sa singer kung saan naaresto na ang suspek at ito ay kanilang sinampahan na ng kaso.

Pagtitiyak pa ng alkalde bilang dating actress na hindi galit ang kaniyang mga mamamayan sa LGBT.