‘SVP ng PhilHealth, nagbitiw para makasama ang pamilya’ – PhilHealth president

Inirerespeto raw ni Philhealth President at Chief Executive Officer Ricardo Morales ang pagbibitiw sa puwesto ng isang opisyal ng Philhealth ngayong araw.

Kinumpirma ni Morales ang irrevocable resignation ni Senior Vice President (SVP) for Operations at retired Brig. General Augustus de Villa na may petsang Agosto 6, 2020.

Aniya, nais daw kasi ni De Villa na makasama ng mas mahabang panahon ang kanyang pamilya kaya ito nagbitiw na sa puwesto.

Si De Villa ay pinahaharap din sa Senado dahil sa katiwalian umano sa ahensiya.

Sangkot umano ang senior official sa pagbili ng overpriced equipment para sa ahensiya.