Inilunsad na sa San Juan City ang singl ticketing system ngayong araw.
Pinangunahan ni San Juan City Mayor at Metro Manila Council (MMC) President Francis Zamora ang pilot run ng revolutionary program, na naglalayong i-streamline ang mga paglabag sa trapiko at multa ng 16 na lungsod at nag-iisang munisipalidad na binubuo ng National Capital Region (NCR).
Pinapayagan din ng programa ang mga lumabag na magbayad ng kanilang mga multa gamit ang mga e-wallet at iba pang mga digital na platforms.
Idinagdag ni Zamora na ang MMDA ay nag-turn over ng 30 handheld device sa San Juan City na gagamitin sa pagbibigay ng violation ticket sa mga driver na gagawa ng alinman sa 20 common violations na napagkasunduan ng LTO at Metro Manila mayors.
Ang mga handheld device ay nagpapahintulot din sa mga driver na magbayad ng kanilang mga multa nang maaga gamit ang mga online channel sa pagbabayad at mga credit card.
Nauna rito, nilagdaan ng lahat ng metro mayors ang Metro Manila Traffic Code of 2023, na tumutukoy sa 20 karaniwang paglabag sa trapiko at ang kaukulang standardized na mga parusa.
Ang multa para sa 20 mga paglabag ay mula P500 hanggang P5,000 na may mga kasamang seminar depende sa paglabag at antas ng pagkakasala na ginawa ng isang motorista.
