Kumpiyansa si House Ways and Means Chairman Joey Salceda na maipapasa ng senado ang inaprubahan ng Kamara ang panukalang magtatag ng Virology Institute.
Si Salceda ang may akda sa naturang panukala, kaya pinasalamatan nito ang mga kapwa mambatas sa pagpasa sa ikalawang pagbasa ng charter ng Virology and Vaccines Institute of the Philippines (VVIP).
Umaasa ang mambabatas na ngayong maagang naaprubahan sa kamara ang panukala, tiwala si Salceda na mayroon nang sapat na panahon ang senado upang pagtibayin ito.
Layun din aniya ng institusyon na maging kauna-unahang serum institute sa bansa na tututok sa pag-aaral at pagtuklas ng mga medisina laban sa ibat ibang uri ng virus.
Binigyang-diin ni Salceda na hindi aniya nag-originate sa India ang covid vaccine ngunit nananatili itong isa sa pinakamalaking manufacturer ng bakuna sa buong mundo dahil sa kanilang serum institute.
Kaugnay naman aniya sa isyu ng African swine fever, agad itong naresolba ng Vietnam dahil sa kanilang serum institute na mabilis na nakalikha ng vaccine kontra ASF.
Nakasaad sa panukala, na itatayo ang state-of-the-art virology laboratory sa New Clark City sa Pampanga na may kakayahang lumikha ng vaccines and serums, at maaring magsagawa ng research and projects ukol sa plant and animal viruses, partikular na sa human viral diseases.
