-- Advertisements --
Nasa Estados Unidos si Ako Bicol party-list Representative at dating House Committee on Appropriations Chairperson Zaldy Co para magpagamot.
Ito ang kinumpirma ni House Spokesperson Atty. Princess Abante kung saan mayroon naman mga dokumento itong naipresenta.
Hindi naman nagbigay si Abante kung hanggang kailan ang pananatili ni Co sa US.
Magugunitang nais imbitahan ni House Senior Deputy Minority Leader Edgar Erice si Co sa House Infra Committee para malaman kung bakit ang panukalang 2025 budget para sa Department of Public Works and Highways ay tumaas ng mahigit P100 bilyon kumpara sa panukala sa ilalim ng National Expenditure Programs.
Inakusahan din ni Navotas Rep. Toby Tiangco si Co na nagsingit ng P13.8-B sa bicam version ng 2025 budget.
