Kabilang sa apat na koponan ng Group A ng FIFA World Cup 2022 ang host country na Qatar.
Sa kasaysayan kasi ng FIFA ay ito ang unang pagkakataon na maging host ang isang Arab nation.
Noong Disyembre 2010 pa ng ianunsiyo ng FIFA ang hosting ng Qatar.
Noong 2011 Asian Cup ay naging host na rin ang Qatar kung saan nakapasok sila sa quarterfinals ng talunin ang Jordan 2-0 subalit hindi nakaporma sa Japan na naging kampeon sa torneo.
Bilang host din ng 2014 West Asian Football Federation Championship ay nagkampeon sila ng talunin ang Jordan 2-0.
Hindi naman sila nagtagumpay sa group stage na nagtapos sa pang-apat na puwesto sa Group C ng 2015 Asian Cup.
Nagsimula ang larong football sa Qatar noong 1948 ng maglaro ng football ang mga oil workers na galing sa ibang bansa at noong 1960 ng nabuo na ang Qatar Football Association at matapos ang 10 taon ay sumali na sila sa FIFA.
Opisyal na laro ng Qatar national team ay noong March 27, 1970 ng talunin sila ng Bahraine 1-2.
Mayroong kabuuang anim na kampeonato ang Qatar sa mga torneo na kanilang sinalihan na binubuo ng isa sa AFC Asian Cup, isanng WAFF Championship, tatlo sa Arabian Gulf Cup at isa sa Asian Cup.
Mayroong dalawang naturalized player ang Qatar na kinabibilangan nina Bassam Al-Rawi na taga-Iraq at Almoez Ali ng mula sa Sudan.
Sa gaganaping FIFA World Cup na magsisimula sa Nobyembre ay nakahanay sa Group A ang host country at kasama nila ang Ecuador, Senegal at Netherlands.
Ang Group B naman ay binubuo ng England, Iran, USA, Wales habang ang Group C ay binubuo ng Argentina, Saudi Arabia, Mexico, Poland at sa Group D naman ay binubuo ng France, Australia, Denmark at Tunisia.
Sa Group E naman ay nanguna ang Spain, Costa Rica, Germany at Japan sa Group F ay nanguna ang Belgium, Canada, Morocco, Croatia.
Samantalang ang Group G ay pinangunahan ng Brazil, Serbia, Switzerland, Cameroon at ang Group H ay pinangunahan ng Portugal, Ghana, Uruguay at South Korea.
