ILOILO CITY – Suwerteng nasugatan lamang isang pulis matapos mabangga ng minamanehong pick-up ang isang drug store sa Barangay San Sebastian, Sta. Barbara, Iloilo.
Ang biktima ay si Police Captain Norbert Sipol, 40-anyos na residente ng Barangay Balibagan Este, Sta. Barbara, Iloilo at nakadestino sa 602nd Company ng Regional Mobile Force Battalion Region VI
Sa eksklusibong panayam ng Bombo Radyo Iloilo kay Police Major Raymond Celoso, hepe ng Sta. Barbara Municipal Police Station, sinabi nito na nagmula sa Tapz, Capiz si Sipol at pauwi na sana sa kanilang bahay nang mangyari ang aksidente.
Sinasabing habang binabaybay ng pulis ang Barangay San Sebastian, Sta. Barbara, Iloilo ay nakaidlip ito kaya nawalan ng kontrol sa maneibela.
Kaagad namang dinala ang pulis sa ospital matapos magtamo ng sugat sa iba’t ibang bahagi ng katawan.
