Naniniwala si Pangulong Ferdinand “Bongbong” Marcos Jr. na digital transformation ay magbibigay-daan sa lahat ng mga bansa na makasabay sa nagbabagong mundo.
Inilabas ni Marcos ang pahayag sa ika-77 na sesyon ng United Nations General Assembly (UNGA) sa New York City.
Ikinalungkot ng Pangulo na maraming mga bansa ang “halos hindi naiintindihan” pa rin ang paggamit at bentahe ng mga digital technology.
Nais ni Marcos ang mabilis na paggamit ng mga digital na inobasyon upang bigyang-daan ang lahat ng mga bansa na makasabay.
Nagpahayag din si Marcos ng kaniyang pagka-dismaya sa “hindi pagkakapantay-pantay sa pagitan ng mayaman at mahihirap na bansa na kitang-kita sa gitna ng coronavirus disease 2019 (Covid-19) pandemic.
Sinabi niya na ang paglipat sa isang digital world ay dapat na makinabang hindi lamang sa mga mayayamang bansa kundi pati na rin sa mga umuunlad na bansa na umaasa sa kanilang mabilis na paggaling mula sa pandemya ng Covid-19.
