Pope Francis, muling nanawagan ng immediate ceasefire sa Gaza

Muling nanawagan si Pope Francis ng immediate ceasefire sa Gaza at sa buong Middle East sa ginanap na noon prayer sa Vatican nitong Linggo. 

Hinimok niya rin na ipagpatuloy ang negosasyon para mapalaya na ang mga hostage gayundin ang pagpapatuloy ng humanitarian aid sa mga Palestinian.

Bawat araw ay dala-dala niya raw sa kanyang puso ang sakit dahil sa paghihirap na nararanasan ng mga tao sa Palestine at Israel dahil sa nangyayaring kaguluhan kung saan libo-libo na ang namatay, nasugatan, at nawalan ng tirahan.