Tinanghal bilang grand winner ang pambato ng Pilipinas na si Justine Alfante sa “The Voice Kids” United Kingdom 2020.
Nabatid na napaiyak sa tuwa ang Pinay contestant nang ianunsyo ang kanyang pangalan dahil hindi raw nito inasahan na magiging kampeon.
“I’m in so much shock. I didn’t… They were all so good and I didn’t think I was going to be the one,” saad ni Alfante.
Isa sa tinalo ng 13-year-old Pinay ang kababayan nito na pitong taong gulang pa lamang na si Victoria Alsina.
Ang “Listen” ng American pop diva na si Beyonce ang inawit ng Pinay singer sa final performance nito sa nasabing show.
Kabilang sa napanalunan ni Alfante ay ang 30,000 pounds at ultimate VIP theme park experience sa Universal Orlando Resort.
Samantala, mahigpit umanong pinairal ang health protocols kahit pa sa studio mismo ginanap ang event kung saan walang live audience.
