Inilunsad ng Philippine Army ang simulated territorial defense exercise sa Sulu.
Layon nito ay para masubok ang kakayahan ng gobyerno, security at disaster response agencies tuwing mayroong security emergencies.
Ayon sa Philippine Army na ang Inter-Agency Territorial Defense Operations “Orion’s Taming” Exercise ay pormal na sinimulan sa 11th Infantry (ALAKDAN) Division sa nasabing probinsiya.
Bilang bahagi rin ng nasabing exercise scenario ay inirekomenda ni division commander Maj. General Leonardo Peña ang activation ng Sulu Joint Inter-Agency Coordinating Center at Emergency Operations Center.
Dito ay idineklara din ni Sulu Governor Abdusakur Tan II ang activation na siyang pagsisimula ng coordinated response.
Paglilinaw ng Philippine Army na ang nasaibng sitwasyon at pangyayari sa nasabing aktibidad ay bahagi lamang ng simulation at hindi nagrerepresenta ng tunayna insidente.
