Nakatakdang dinggin ngayong araw ng Land Transportation Franchising and Regulatory Board (LTFRB) ang mga petisyon ng transport groups na itaas ang minimum fare sa public utility jeepney (PUJ) hanggang P5 sa gitna ng krisis sa presyo ng gasolina.
Ang Pasang Masda, Alliance of Transport Operators and Drivers Association of the Philippines (ALTODAP), Alliance of Concerned Transport Organizations (ACTO) at 1-UTAK noong Marso ay humingi sa LTFRB ng petisyon para sa P5 na dagdag sa minimum na pamasahe na kung maaprubahan, maaaring magresulta sa pagsasaayos sa kasalukuyang minimum na pamasahe mula P10 hanggang P15.
Samantala, sinabi ng LTFRB na ang Liga ng Transportasyon at Operators ng Pilipinas (LTOP) ay nagnanais ng P6 na dagdag.
Ang mga petitioner ay inaasahang magbibigay sa Lupon o Board ng mga sumusuportang ebidensya na kinakailangan sa kanila bilang suporta sa mga paratang sa kanilang mga petisyon.
Ang LTOP, Pasang Masda, ACTO, ALTODAP at ang Stop and Go Transport Coalition ay nagboycott sa mga naunang pagdinig para sa kaparehong mga petisyon, matapos tumanggi ang LTFRB na i-entertain ang mga petisyon sa pagtaas ng pamasahe.”
Magugunitang, nauna nang malugod na tinanggap ng mga transport group ang desisyon ng LTFRB na itaas ang minimum na pamasahe sa P10 sa gitna ng pagtaas ng presyo ng gasolina, ngunit umapela para sa karagdagang pagtaas ng pamasahe kung paanong ang P1 na increase ay “halos” makatutulong sa mga driver at operator na makawala sa gitna ng mataas na halaga ng gasolina.
Napagdesisyonan ng LTFRB na talakayin ang mga petisyon dahil ang malaking bilang ng mga PUJ driver ay nagpasya na huminto sa operasyon o maghanap ng kabuhayan sa ibang lugar.
Ilang driver na rin umano ang nakauwi sa mga probinsya at ibinenta ang kanilang mga unit sa ibang operator dahil sa mga pagkalugi na kanilang natamo.
Kung maalala, ang mga kumpanya ng langis ay nag-anunsyo ng panibagong pagtaas ng presyo ng gasolina, diesel at kerosene na ipatutupad ngayong araw, kung saan ang pagtaas ng presyo ng gasolina ay P0.50 kada litro, P1.65 sa diesel at P.10 kada litro sa kerosene.
