Nagsagawa ang Philippine Coast Guard (PCG) District Central Visayas ng simulation exercise para sa counterterrorism sa Mactan, Cebu.
Sa naturang aktibidad, ipinamalas ng Coast Guard personnel ang kanilang resources, capabilities at workforce sa maritime law enforcement, maritime security, maritime safety, maritime search and rescue at marine environmental protection.
Ang simulation exercise ay bahagi ng Asia Counterterrorism Intelligence Cooperation (ACTIC) 2023 Expertise Exchange na pinangunahan ng National Intelligence Coordinating Agency (NICA) at National Intelligence Service (NIS) of the Republic of Korea.
Nagkaroon din ng observer sa nasabing event mula sa Czech Republic, Japan, at Sweden.
Habang ang mga katuwang ng Pilipinas ay kinabibilangan naman ng Indonesia, Kazakhstan, Malaysia, Republic of Korea, Thailand at Uzbekistan.
