Malaki umano ang tiyansa na lalago pa ang Kadiwa market sa bansa.
Ayon kay Department of Trade and Industry (DTI) Assistant Secretary Dominic Tolentino, kasunod na rin ito ng personal na pagkakasaksi nito sa naturang programa.
Ginawa ang pahayag matapos ang matagumpay na inilunsad na Kadiwa ng Pasko kahapon sa iba’t ibang panig ng bansa kung saan may nabiling murang sibuyas, bigas, asukal, at marami pang iba.
Ayon kay Asec. Tolentino, hindi imposible na sisibol ang mas marami pang Kadiwa market dahil sa programa ng Office of the President.
Panalo ang kostumer sa murang bilihin habang panalo din ang mga magsasaka at mga manufacturer na nabigyan ng pagkakataon na mabenta ang kanilang produko sa makatwirang presyo.
Aniya, ang kailangan na lang sa ngayon ay ang mas masusi pang pag-aaral at pagbibigay ng suporta sa programa ng Pangulong Ferdinand R. Marcos Jr.
