Pacquiao, hinihintay ang pahintulot ng doktor para makabiyahe at makaabot sa SONA ni Duterte

May posibilidad umano na hindi makadalo si Pinoy ring icon at Sen. Manny Pacquiao na makadalo sa ika-apat na State of the Nation Address (SONA) ni Pangulong Rodrigo Duterte bukas, Hulyo 22.

May pumasok daw kasing petroleum jelly sa mata ni Pacquiao habang siya ay nilalapatan ng paunang lunas sa gitna ng mga rounds ng bakbakan nila ni dating undfeated American Keith Thurman.

Ayon kay Pacquiao, mag-uusap pa raw sila ng kanyang doktor patungkol sa kanyang kondisyon.

Pero bukod sa kanyang problema sa mata, iginiit ni Pacquiao na hindi naman siya napuruhan sa laban nila ni Thurman.

Wala aniyang problema sa kanyang kondisyon maliban lamang sa kanyang mata na dati nang nagalusan na napasukan naman ngayon ng petroleum jelly.