NLEX tuloy ang pamamayagpag matapos talunin ang Blackwater 103-97

Tuloy pa rin ang pamamayagpag ng NLEX sa PBA Philippine Cup matapos talunin nila ang Blackwater 103-97.

Bumandera sa panalo ng NLEX si Robert Bolick na nagtala ng 21 points, siyam na rebounds at siyam na assists sa laro na ginanap sa Philsport Arena sa Lungsod ng Pasig.

Mula una hanggang last quarter ay naging dikit ang labanan at sa natitirang 2:37 oras sa last quarter ay hawak ng Blackwater ang kalamangan 91-90.

Nagtala naman ng 16 points si Jhan Mchale Nermal, 14 points at 10 rebounds si Robbie Herndon , 14 points din ang naitala ni Dominic Fajardo, 12 points si Baser Amer at 11 points si Anthony Semerad.