Negosyante, kulong dahil sa pagbebenta ng overprice na alcohol

DAGUPAN CITY- Sa kulungan ang bagsak ng isang 42-anyos na babaeng negosyante matapos itong maaktuhan na nagbebenta ng overprice na alcohol. 

Sa isinagawang operasyon ng Mangaldan Police Station sa pangunguna ni P/Lt. Col Jun Wacnag, chief of police ng nabanggit na himpilan, naaresto si Jocelyn Soquila, residente ng Brgy. Banaoang West sa nabanggit na bayan. 

Isinagawa aniya nila ang operasyon mataops na makatanggap ng tawag mula isang concerned citizen. 

Nagpanggap ang isa sa mga pulis bilang poseur buyer para makipagtransaksyon kay Soquila.

Si Soquila ay nagbebenta ng pagkain at dito niya isinasabay ang negosyo sa pagbebenta naman ng overpriced na alcohol.

Nakumpiska mula sa kanya sa isinagawa operasyon ang dalawang kahon ng alcohol.