Nakikitaan rin ng National Economic and Development Authority (NEDA) ng potensyal ang tuluyang pagbalanse ng inflation rate ng bansa hanggang matapos ang kasalukuyang taon.
Ito ang tugon ng NEDA kasunod ng naitalang pagbagal pa sa 0.9-percent ng inflation rate noong Setyembre o bilis sa paggalaw ng presyo ng mga produkto at serbisyo.
“This can be attributed to softer price adjustments observed in nearly all commodities and base effects, coming from 6.7% in the same period in 2018,” ayon kay NEDA Sec. Ernesto Pernia.
Sang-ayon ang ahensya sa report ng Philippine Statistics Authority (PSA) na nagsabing nakaapekto ang bahagyang pagbaba sa presyo ng ilang bilihin sa nagdaang buwan.
Ayon kay Pernia, kapansin-pansin din ang patuloy na pagsadsad ng presyo ng bigas sa limang magkakasunod na buwan.
Para sa kalihim, epekto ito ng ipinasang Rice Tariffication Law na target umano talagang gawing swak sa bulsa ng publiko ang presyo ng bigas.
“We see the Rice Tariffication law continuing to help pull down overall inflation in the near term as it continues to help improve rice stock inventory of the country. This access to cheaper rice is good for Filipino consumers.”
“While consumers enjoy lower rice prices, we must at the same time protect the Filipino farmers from falling palay prices. The government must fast-track and prioritize programs and projects under the Rice Competitiveness Enhancement Fund to boost production and improve profitability of the Filipino farmers.”
Sa pagtatala ng NEDA, lumobo sa 40.3-percent ang stock ng bigas sa bansa dahil daw sa mataas na antas ng importasyon.
Ayon sa PSA, ito ang pinaka-mabagal na naitalang inflation rate mula Oktubre ng 2018.
Mayo naman noong 2016 nang huling maitala ang 0.9-percent inflation.
Bukod sa bigas at pagkain, itinuturing din ng PSA na factor sa mabagal na paggalaw ng mga produkto ang sektor ng enerhiya, housing at transportasyon.
