Inirekomenda ng National Bureau of Investigation (NBI) ang pagsampa ng kasong kriminal sa Department of Justice (DOJ) laban kina dating Ateneo De Manila University men’s basketball head coach Thomas Anthony “Tab” Baldwin at 10 iba pa.
May kaugnayan ito sa kasong pagkasawi nina Rene Baterbonia at Divine Adili habang nagsasagawa umano ang koponan ng team building sa Dipaculao,Aurora noong Hulyo.
Base sa rekomendasyon ng NBI Task Force Baterbonia at Adili ay inirekomenda nila ang kasong reckless imprudence resulting in two counts of homicide laban kay Baldwin; strength and conditioning coaches Ceasar Vincent “CJ” Elumba atGrant Dearns; assistant coaches Reynaldo Jacinto Jr., Dean Caesar Castaño, Sandro Nicholas Soriano, and Hernan Ameer “Buboy” Domingo; at Ateneo physical therapist John Eric Rueca.
Inirekomenda rin ng NBI ang pagsampa ng kasong simple negligence resulting in two counts of homicide laban kina Ateneo Athletic Director Emmanuel Fernandez, ganun din kina Francisco Zubia III, Frederick Zubia, at Yedda Mary Molina Rubio, ang may-ari at co-manager ng Hermanos Leisure & Agri-Farm Resort.
Ang nasabing rekomendasyon ay nagbunsod sa isinagawang imbestigasyon ng NBI Homicide Division sa naganap na pagkalunod noong Hunyo 8.
