Kinoronahan na ang mga Mutya ng Pilipinas 2025 Queens sa ika-57 Mutya ng Pilipinas Grand Coronation Night na ginanap noong Nobyembre 17 sa Playtime FilOil Center sa San Juan City.
Itinanghal bilang Mutya ng Pilipinas – Intercontinental si Christina Labareño Vanhefflin mula sa Leyte. Siya ang nakakuha ng pinakamataas na titulo sa Mutya ng Pilipinas 2025 pageant.
Narito ang mga nagwagi sa naturang kompetisyon:
Mutya ng Pilipinas – Intercontinental: Christina Labareño Vanhefflin, Leyte
Mutya ng Pilipinas – World Top Model: Naomi Wainwright, Parañaque City
Mutya ng Pilipinas – Tourism International: Ma. Andrea Endicio, Candelaria, Quezon
Mutya ng Pilipinas – Overseas Communities: Mahalia Bangit, Melbourne, Australia
Mutya ng Pilipinas – Charity: Ali Hanee Posueamualto, Makati City
Mutya ng Pilipinas – Luzon: Lyndzy Maranan, Mabini, Batangas
Mutya ng Pilipinas – Visayas: Eunice Deza, San Pablo City, Laguna
Mutya ng Pilipinas – Mindanao: Juliana Acut Fresado, Iligan City
Mutya ng Pilipinas – Kultura: Glezette Garcia, Pampanga
Noong Oktubre, kinoronahan din si Vanhefflin bilang Miss Leyte Liberation, na iginawad sa kanya sa pagdiriwang ng Leyte Gulf Landings.
Kabilang sa panel of judges ang mga beauty queens na sina Binibining Pilipinas International 1986 Alice Dixson at Mutya ng Pilipinas 2015 Leren Mae Bautista. Samantala, nagsilbing hosts sina Mutya ng Pilipinas Global Beauty Queen 2018 Pauline Amelinckx, Mutya ng Pilipinas Asia Pacific 2016 Ganiel Krishnan, at ang aktor na si Nico Locco.
Itinatag noong 1968 ang Mutya ng Pilipinas, na kumikilala sa mga naggagandahang Mutya ng bansa, gayundin sa pagpapakilala ng mga magagandang lugar, flora at fauna, etnikong likha, bayanihan, pagkain, at kulturang Pinoy. (Bombo Betha Servito)
