Mag-aalok ng libreng sakay ang DOTr sa MRT-3 para sa mga bulag at visually impaired mula ngayong araw hanggang Agosto 6.
Ang libreng sakay ay iniaalok kasabay ng pagdiriwang ng White Cane Safety Day.
Nilagdaan ng yumaong dating Pangulong Corazon Aquino noong 1989 ang Republic Act 6759, na nagdeklara sa Agosto 1 bilang White Cane Safety Day upang magbigay pugay sa mga bulag.
Kailangan lamang ipakita ng mga pasahero ang kanilang persons with disability (PWD) identification card upang makasakay nang libre.
Ang bawat pasahero ay pinapayagan ding magdala ng isang kasama na makakakuha din ng libreng sakay.
Ayon kay DOTr Assistant Secretary for Railways and MRT-3 Officer-in-Charge Jorjette Aquino, patuloy na bibigyan ng mga karapatan ang mga visually impaired passengers ng sapat, mabilis, komportable, at maaasahang transportasyon.
