Mga nasawi sa COVID-19 worldwide, mahigit 2-M na – reports

Sumampa na sa dalawang milyon ang bilang ng mga naitalang nasawi dahil sa COVID-19 sa buong mundo.

Pinakamataas sa bilang ng mga namatay ang Estados Unidos na may 397,994.

Habang ang mga nagpositibo sa naturang sakit ay umaabot na sa 93,536,554.

Sa nasabing bilang, 24,587,150 (99.5%) ang nasa mild condition, habang 111,793 (0.5%) naman ang nasa serious o critical condition.

Ang bilang naman ng mga naka-recover sa buong mundo ay 66,835,146.