Sinuspindi ng Supreme Court (SC) ang pasok sa trabaho ng mga court personnel bukas sa buong bansa.
Kasunod na rin ito ng proklamasyon ng Pangulong Rodrigo Duterte na nagdedeklara ng regular holiday sa buong kapuluan bukas bilang paggunita sa Eid’l Adha o Feast of Sacrifice ng mga Muslim.
Pero sa kabila naman ng holiday, sinabi ni SC Spokesperson Atty. Brian Hosaka na tuloy pa rin ang signing ng Roll of Attorneys para sa mga abogadong pumasa sa 2019 Bar Examination.
Ngayong araw nasa 1,725 na raw ang mga bagong abogado na nakapirma sa Roll of Attorneys.
Mahigpit pa rin namang oobserbahan ng mga bagong abogado ang health protocols sa loob ng compound ng Korte Suprema.
“In view of Proclamation No. 985, series of 2020 declaring July 31, 2020 as a regular holiday throughout the country in observance of Eid’l Adha (Feast of Sacrifice), there will be no work in all courts nationwide. I just wanted to inform all of you that despite the declared holiday tomorrow, the signing of the Roll of Attorneys for new lawyers will proceed tomorrow. Thank you,” ani Hosaka.
