Mga basurang iniwan ng pasahero sa NAIA, nakunan ng video ng isang netizen

Nakunan ng video sa iba’t ibang sulok ng Ninoy Aquino International Airport Terminal 3 ang mga basurang iniwan ng mga pasahero.

Ayon sa uploader ng video, ito marahil ang dahilan kung bakit nakikitaan ng mga peste ang paliparan.

Kung matatandaan, nauna nang iniulat na may mga pasaherong nagreklamo matapos makagat ng mga surot sa metal chair, kasunod nito ay naispatan din ang isang daga na pagala gala sa NAIA at maging ipis sa departure area.

Ayon pa sa pasaherong nag-upload ng video, naniniwala siyang hindi lang dapat isisi ang nakuhanang peste sa pamunuan ng NAIA.