Binigyang-diin ni Sen. Panfilo “Ping” Lacson na hindi siya patitinag sa mga pambabatikos sa kanya nina Deputy Speaker LRay Villafuerte at Anakalusugan party-list Representative Mike Defensor kaugnay sa ibinulgar nitong “pork barrel insertions” ng ilang kongresista sa 2020 proposed national budget.
Sinabi ni Sen. Lacson, malaya sina Villafuerte, Defensor at iba pang miyembro ng Kamara na siraan siya pero hindi siya titigil sa pagbubulgar sa isiningit na “pork barrel.”
Ayon kay Sen. Lacson, hindi siya natatakot rito at patay kung patay lalo pera daw ng taongbayan ang pinag-uusapan.
Nagbibigay lakas din daw loob sa kanya ang pag-veto ni Pangulong Rodrigo Duterte sa nasa P95 billion na umano’y “pork barrel” sa 2019 national budget.
“Dep Spkr LRay Villafuerte, Party-list Rep Mike Defensor, and other House members can take turns in maligning me while defending their pork but I’m still going all in. Patay kung patay! The President’s P95B veto early this year is inspiring. It’s the people’s money after all,” ani Sen. Lacson.
