Itinakda sa buwan ng Disyembre ang inaabangang laban ni Japanese boxer Naoya Inoue at British world champion Paul “Baby Faced Assassin” Butler.
Ayon sa promoter ni Butler na Probellum na gaganapin ang laban sa Disyembre 13 sa Ariake Arena sa Tokyo, Japan.
Huling lumaban ang 29-anyos na si Inoue ng patumbahin si Filipino boxer Nonito Donaire noong Hunyo 7, 2022 sa Saitama, Japan.
Noong Abril 2022 naman ang huling laban ni Butler ng talunin si Pinoy boxer Jonas Sultan sa pamamagitan ng unanimous decision na ginanap sa Liverpool, England.
Mayroong record si Inoue na 23 panalo at wala pang talo na mayroong 20 knockouts na hawak ang IBF, WBC, WBA regular at WBA super world bantamweight titles.
Habang ang 33-anyos na si Butler ay mayroong record na 34 panalo dalawang talo at 15 knockouts.
