Suspendido ang klase at trabaho ngayong araw sa ilang lugar dahil sa magnitude 6.4 na lindol sa Abra, gayundin ang patuloy na pag-ulan sa ibang bahagi ng Luzon.
Kanselado ang klase sa lahat ng level, public at private; at trabaho ng government offices sa Abra, Ilocos Norte, at Ilocos Sur dahil sa lindol.
Nakasaad din sa kautusan ng mga pamahalaang panlalawigan na sinuspinde nito ang mga klase at trabaho para magsagawa ng inspeksyon at pagsusuri sa mga gusali at istruktura sa kanilang mga lugar.
Samantala, ang mga sumusunod na pamahalaan ng iba pang mga lugar ay nagsuspinde rin ng mga klase dahil sa inaasahang pag-ulan base sa forecast ng Philippine Atmospheric, Geophysical and Astronomical Services Administration sa ilang bahagi ng Luzon na dulot ng shear line at ang hilagang-silangan na monsoon, na tinatawag na “amihan.”
Ito ay kinabibilangan ng: Province of Rizal (public and private); at Tanza, Cavite (public and private).
