Binigyang diin ng DOH na ang camote at mais ay magiging masustansyang kapalit ng bigas na isang pangunahing pagkain ng mga Pilipino ng mga malubhang apektado ng pagtaas ng presyo nito.
Sinabi ni Department of Health (DOH) Undersecretary Enrique Tayag na ang camote at mais ay mas mura kaysa sa bigas ngunit maaari silang magbigay ng parehong benepisyo, sa mga tuntunin ng calories, sa mga mamimili.
Aniya, maaarig magkaroon ng rotation sa basic food requirements ng mga mamamayang Pilipino.
Giit ng health expert, ang camote ay mas magandang source ng carbohydrates para sa enerhiya kumpara sa kanin dahil mataas ito sa fiber at may iba pang sustansya na panlaban sa cancer.
Una rito, sinabi ng National Economic and Development Authority na may sapat na suplay ng bigas ang bansa hanggang sa katapusan ng taon ngunit tumataas ang presyo ng bigas nitong mga nakaraang linggo.
Idinagdag nito na ang pinaigting na El Niño phenomenon ay inaasahang magreresulta sa below-normal rainfall sa pagtatapos ng taon na maaaring makaapekto sa produksyon ng palay.
Kung matatandaan, sa ilalim ng Executive Order 39, ipinag-utos ni Pangulong Ferdinand R. Marcos Jr. ang P41 kada kilo bilang price ceiling para sa regular milled rice at P45 per kg bilang price cap para sa well-milled rice.
