Kakailanganin umano ng Gilas Pilipinas ng solidong team effort sa kanilang magiging laban mamaya kontra sa World no. 10 na team Italy.
Ayon kay Gilas bigman Kai Sotto, isang all around team ang team Italy, kayat tiyak na magiging pahirapan ang laban.
Mayroon aniyang magagaling na small farward at shooting guard ang naturang koponan, ma tiyak na magiging malaking hamon sa Gilas.
Dahil dito, kailangan umano ng Gilas Pilipinas ng solidong team effort upang maipanalo ang laban.
Ayon kay Sotto, susubukan nilang malimitahan ang mga wingmen ng Team Italy, kasabay ng pagpokus sa kanilang depensa.
Mamayang 8pm, nakatakdang magharap ang Gilas at Team Italy. Mahalagang maipanalo ito ng Team Philippines dahil maaaring magdikta ito ng kanilang pag-usad sa ikalawang round ng elimination sa FIBA World Cup 2023.
