Naglabas ng matinding babala ang Islamic Revolutionary Guard Corps (IRGC) ng Iran laban sa anumang tangkang pag-atake sa bansa.
Ang babalang ito ay ginawa bago ang gaganaping burol ng napatay na Supreme Leader na si Ayatollah Ali Khamenei.
Nagbabala ang IRGC sa mga kaaway ng Iran, partikular na sa United States at Israel, na iwasan ang anumang “maling kalkulasyon” o pag-atake habang nagluluksa ang bansa.
Idineklara ng IRGC na ang anumang agresyon ay haharapin ng mas “determinado at mapaminsalang tugon” na hindi pa nila kailanman nakikita.
Sa ngayon, inilagay sa pinakamataas na antas ng combat readiness ang buong sandatahang lakas ng Iran sa ilalim ng pamumuno ng kanilang bagong Supreme Leader na si Mojtaba Khamenei.
Si Ayatollah Ali Khamenei ay napatay sa mga pag-atake ng eroplano ng US at Israel noong Pebrero 28, 2026, sa simula ng digmaan.
Ang opisyal at malawakang pagpupugay ay sa yumaong Supreme Leader ng Iran ay magsisimula ngayong Sabado, Hulyo 4 hanggang Hulyo 9, 2026.
Inaasahan ng pamahalaan ng Iran na higit sa 10 hanggang 20 milyong tao at mga dayuhang delegasyon ang makikibahagi sa seremonya, kaya naman lalong hinigpitan ang seguridad at ipinasara ang ilang airspace sa bansa.
