Inaasahan ng Bangko Sentral ng Pilipinas (BSP) na ang inflation para sa buwan ng Hunyo 2025 ay papalo sa pagitan ng 1.1% hanggang 1.9%.
Ang pagtaas ng presyo ay inaasahang dulot ng mas mahal na karne at gulay, mataas na presyo ng langis, at paghina ng halaga ng piso.
Gayunman, maaaring mapababa ang kabuuang inflation dahil sa pagbulusok ng presyo ng bigas, isda, at prutas, pati na rin ng singil sa kuryente.
Sa kabila ng mga salik na nagtutulak pataas ng presyo, nananatiling maingat ang BSP sa pagpapatupad ng mga patakarang pinansyal.
Layunin ng BSP na mapanatili ang katatagan ng presyo habang sinusuportahan ang pangmatagalang paglago ng ekonomiya.
Patuloy nilang babantayan ang mga panlabas at panloob na factors na maaaring makaapekto sa inflation sa mga susunod na buwan.
