Ilang domestic flights, kanselado dahil sa sama ng panahon

Nadagdagan pa ang mga kanseladong flight dahil sa masamang lagay ng panahon.

Ayon sa abiso ng Manila International Airport Authority (MIAA), kabilang sa mga pinigil na byahe ang Manila-Caticlan-Manila at Manila-Antique-Manila.

Partikular na nagkansela ng flights ang Pal Express.

Payo ng MIAA sa mga apektadong pasahero, makipag-ugnayan muna sa airline company bago magtungo sa paliparan.

Maaari ring mag-reschedule o mag-refund ng nabayarang trip tickets sa mga otorisadong booking office ng nasabing airline company.