Umapela si House Committee on Labor and Employment Chairman at Rizal 4th District Rep. Fidel Nograles sa mga employers na suportahan ang Republic Act No. 11165 o Telecommuting Act of 2018.
Nakapaloob sa nasabing batas ang pagpapapatupad ng work-from-home at iba pang flexible working arrangements kung saan mas mahaba ang oras na maigugugol ng mga empleyado sa kanilang pamilya at makakaiwas din sila sa problema sa trapiko ng hindi naaapektuhan ang kanilang trabaho.
Pahayag ito ni Nograles matapos ilabas ng Department of Labor and Employment ang Department Order No. 237 na nakapaloob ang revised implementing rules and regulations ng telecommuting law na akma sa nagpapatuloy na Covid-19 pandemic.
” With the release of the expanded rules for the telecommuting law, we hope that more employers will implement flexible working arrangement for their workers. Madalas ngang sabihin na a happy worker is a productive worker,” pahayag ni Rep. Nograles.
Para kay Nograles, napapanahon ang pagrelease ng IRR para sa Telecommuniting law kung saan parehong mababawasan ang gastos ng employers at mga manggagawa sa harap ng patuloy na pagtaas ng presyo ng mga bilihin at produktong petrolyo at problema din sa pampublikong transportasyon.
Binigyang diin ni Nograles, malinaw sa batas, na ang oras ng trabaho ng empleyado na sasailalim sa flexible working arrangements ay hindi dapat maapektuhan gayundin ang sweldo nito at lahat ng benepisyo.
” Hours lost to traffic is also money and productivity lost. If more employers implement alternative workplace schemes, they could increase productivity and even help their employees cope with the rising cost of goods,” wika ni Nograles.
