Hindi pagdalo ni BIR Commissioner Dulay sa budget deliberation ng Kongreso, ikinagalit ng mga mambabatas

Pinagbantaan ni House Minority Leader Bienvenido Abante si Bureau of Internal Revenue (BIR) Commissioner Ceasar Dulay na hindi itutuloy ang budget deliberation ng ahensya kung hindi ito muling sisipot sa susunod.

Napagdesisyunan kasi ng House majority at minority na ipagpaliban muna ang budget deliberation ng BIR dahil hindi naman nagpapakita rito si Dulay.

Ayon naman kay Sultan Kudarat Rep. Horacio Suansing na medical condition ang dahilan kung bakit hindi sumipot si Dulay sa budget deliberation.

Nais ni Abante na kausapin siya ng personal ni Dulay at humingi rin ito ng paumanhin sa Kongreso. Kakailanganin din nitong magpakita ng pruweba hinggil sa kaniyang kondisyon.