KORONADAL CITY – Naaresto ang dalawang diumano’y dalawang big time drug pusher sa isinagawang buy bust operation sa Picgawayan, North Cotabato.
Kinilala ni Pigcawayan police chief Major Ivan Samoraga ang mga nahuli na sina Benjie Akmad Walao alyas “Dats,” 34-anyos na residente ng Barangay Simsiman; at Rahib Ebrahim, 31-anyos na magsasaka, residente naman ng Barangay Kadingilan sa bayan ng Pigkawayan.
Nadakip ang mga ito sa pinagsanib na puwersa ng Phiippine National Police Police Regional Office-12 at Philippine Drug Enforcement Agency-12 sa bahagi ng Barangay Bacunagon, sa nasabing bayan.
Nakuha sa mga ito ang nagkakahalaga na P1.3 million na pinaghihinalaang droga, ilang klase ng baril katulad ng cal. 45, mga bala, boodle money at isang motorsiklo.
Sa ngayon, inihahanda na ang kasong paglabag sa Comprehensive Dangerous Drugs Act of 2002 at Firearms and Ammunitions Regulation Act laban sa dalawa.
