-- Advertisements --
Nagbago ng desisyon si Olympian boxer Hergie Bacyadan at ito ay lalahok na sa 33rd Southeast Asian (SEA) Games.
Ang nasabing pagbabago ay matapos na nakausap niya sina Association of Boxing Alliances of the Philippines (ABAP) secretary general Marcus Manalo at Philippine Olympic Committee (POC) secretary Wharton Chan sa posibilidad na sasabak ito sa women’s 70 kilogram division.
Sinabi nito na nakakuha siya ng suporta mula sa ABAP at POC kung saan magiging puspusan na ang kaniyang gagawing ensayo para mahabol ang timbang.
Makakasama niya sina Olympians Eumir Marcial, Nesthy Petecio at Aira Villegas para ma-improve ang panalo ng boxing na nakakuha ng apat na ginto, limang silver at isang bronze medal noong 2023 SEA Games sa Cambodia.
