-- Advertisements --
Pumanaw na ang actor na si Robbie Coltrane sa edad 72.
Kinumpirma ito ng kaniyang agent na si Scott Henderson subalit hindi nito binanggit ang sanhi ng kaniyang kamatayan.
Ang Scottish-born actor ay sumikat dahil sa pagganap bilang si Rubeus Hagrid sa pelikulang Harry Potter.
Nagsimula ang paglabas niya sa pelikula noong dekada 70 kung saan ilan sa mga pelikula kung saan siya nakasama ay sa show na “Cracker” at ang pagganap bilang Valentin Zukovsky sa James Bond movie na “GoldenEye”.
Taong 2020 ng inamin niyang mayroon itong osteoarthritis isang sakit sa mga joints kaya ito itinakbo sa pagamutan at nagpa-opera na rin ng kaniyang tuhod.
Ikinasal ito sa asawang si Rhona Gemmell na mayroon silang dalawang anak.
