Guro, huli sa buy bust ops sa Leyte

TACLOBAN CITY – Nakakulong na ang isang elementary teacher matapos mahuli sa isinagawang drug buy bust operation ng mga otoridad sa bayan ng Carigara, Leyte

Kinilala ang suspek na si Alladin Ricaldo, 44-anyos na nakatira sa Poblacion, Calubian Leyte.

Ayon kay P/Capt. Ruben Recilla, acting chief of police ng Calubian-Philippine National Police, batay sa kanilang monitoring ay kilala ang suspek na nagbebenta ng iligal na droga sa bayan ng Calubian, Leyte-leyte at Tanauan sa Probinsya ng Leyte.

Nakuha sa posisyon nito ang 10 sachet ng pinaniniwalaang shabu at P500 peso na marked money.

Nahaharap ang suspek sa kasong paglabag sa Republic Act 9165 at ngayon ay nasa kustodiya na ng mga kapulisan.