Nanawagan ang Food and Drug Administration (FDA) sa mga local government unit (LGUs) at tindahan hinggil sa pagpapatupad ng mahigpit na panuntunan sa pagbebenta ng mga inuming alcohol.
Sa ilalim ng bagong FDA Circular NO. 2019-006 na inilabas ngayong araw, hinimok ng ahensya ang mga LGU na huwag hayaang mahalo sa grupo ng mga juice sa merkado ang “alcohol pop” o alcopop products.
Nadiskubre kasi kamakailan ni Sen. Pia Cayetano na may mga ibinebentang alcopops sa ilang grocery at convenience stores.
Dapat din umanong matiyak na hindi pagbebentahan ng mga tinging tindahan ng alcohol drinks ang mga menor de edad.
“The FDA is enjoining all concerned, including local government units having jurisdiction on sari-sari stores, convenience stores, groceries, hypermarkets, supermarkets, and other similar food retailing stores to strictly implement these guidelines.”
“Food packaging technology and market innovation concerning stand-up pouch, flexible, tetra pack, and similar packaging materials are now evolving in both the international and local market.”
Nakasaad din sa nasabing circular na may parusang haharapin ang mga mapapatunayang lalabag sa Circular na naka-base sa Food Safety Act.
