-- Advertisements --
Itinalaga bilang executive director ng Presidential Anti-Organized Crime Commission si dating Philippine National Police (PNP) chief Benjamin Acorda, Jr
Kinumpirma ni Palace Press Officer Undersecretary Atty. Claire Castro ang pagkakatalaga kay Acorda na papalit kay Gilbert Cruz.
Hindi na nagbigay si Castro ng dahilan sa pagkakatanggal kay Cruz na itinalaga sa puwesto mula pa noong Enero 2023.
Unang itinalaga ni Pangulong Ferdinand Marcos Jr. si Acorda bilang PNP chief mula Abril 2023 hanggang Marso 2024.
Miyembro si Acorda ng Philippine Military Academy Sambisig Class of 1991 at nagsilbi ring director ng PNP Directorate for Intelligence bago naging PNP chief.
