Posibleng manatili pa rin sa kulungaqn ang self-confessed drug lord na si Rolan “Kerwin” Espinosa, kasama ang apat na iba pang kapwa nito akusado, kahit pinagbigyan ng Leyte regional trial court (RTC) na makapag-piyansa.
Nabatid na nasa P700,000 ang itinakdang piyansa para sa kada bilang ng kinakaharap nitong kaso.
Pero maliban sa bailable cases, may iba pa ring kaso si Kerwin na non-bailable.
Una rito, sa utos na may petsang Hunyo 13, 2023, pinayagan ni Baybay City RTC Branch 14 Presiding Judge Carlos Arguelles ang petition for bail nina Espinosa, Brian Anthony Zaldivar, Alfred Cres Batistis, Jose Antipuesto, at Marcelo Adorco.
Ito ay dahil sa pagkabigo umano ng prosekusyon na patunayan na malakas ang ebidensya ng pagkakasala laban sa kanila.
Sinabi ng korte na ang extrajudicial confession ng mga akusado ay hindi maaaring ituring na matibay na ebidensya ng pagkakasala laban sa kanila.
Gayunpaman, mananatili pa rin sa kulungan si Espinosa dahil nahaharap pa rin siya sa 2 iba pang non-bailable cases sa Manila RTC.
Isa dito ay para sa droga at isa pa ay para sa illegal possession of firearms at explosives.
Noong Disyembre 2021, pinawalang-sala rin si Espinosa ng isa pang hukuman sa Makati sa hiwalay na kasong droga matapos bawiin ni Adorco ang lahat ng kanyang mga paghahabol laban kina Espinosa at dating Senator Leila de Lima
