Pinaalalahanan ng Department of Labor and Employment ang mga employer sa tamang pagbabayad ng sahod para sa mga manggagawang magre-report sa trabaho sa darating na holidays.
Sinabi ni DOLE Secretary Bienvenido Laguesma na ang Oktubre 30, Nobyembre 1 at 2 ay special non-working holidays, na nangangahulugang ipapatupad ang panuntunang “no work, no pay”.
Matatandaan na naglabas ang DOLE noong nakaraang linggo ng advisory na nagsasaad ng pagkalkula ng sahod para sa darating na special non-working holidays.
Pinaalalahanan ni Laguesma ang publiko na ang patakarang “no work, no pay” ay hindi maaaring ilapat sa mga lugar ng trabaho na may alternatibong kaayusan na nagbabayad sa mga manggagawa sa mga special non-working holiday.
Dagdag dito, ang 2023 Barangay at Sangguniang Kabataan Elections ay nakatakda sa Oktubre 30, 2023.
Samantala, ang Nobyembre 1 ay All Saints’ Day, habang ang Nobyembre 2 ay All Soul’s Day at inuri bilang isang karagdagang special non-working day.
