Inanunsyo ng Department of Health (DOH) ang PhilHealth Mental Health Benefits Package sa paglulunsad ng 2024-2028 Philippine Council for Mental Health (PCMH) strategic framework.
Kasama sa package ang isang komprehensibong hanay ng mga benepisyo sa mental health para sa outpatient at mga serbisyong nakabatay sa komunidad, na naglalayong palakasin ang Mental Health Act.
Ang pagpapalawak ng PhilHealth Mental Health Benefit Package ay inihayag din ng nasabing departamento, na nagbibigay ng kritikal na suporta sa mental health condition ng isang indibidwal.
Ayon sa DOH, ang nasabing package ay maipapatupad sa susunod na dalawang linggo.
Binubuo ang package ng maraming mahahalagang serbisyo, kabilang ang 12 konsultasyon, diagnostic follow-up, psychoeducation, at psychosocial support.
Sa loob ng pangkalahatang mental health service package, ang mga indibidwal ay magkakaroon ng access sa screening, assessment, diagnostics, follow-up check ups, psychoeducation, psychosocial support, at mga gamot na kasama sa medicine access program ng DOH na nakatuon para sa mental health ng isang indibidwal.
