DMW nakikipag-ugnayan na sa DFA ukol sa usapin ng deployment ban ng mga OFW sa India

Nakikipag-ugnayan na ang Department of Migrant Workers (DMW) sa Department of Foreign Affairs (DFA) ukol sa deployment ban ng mga Overseas Filipino Workers (OFW) sa India.

Ayon kay DMW Undersecretary Hans Leo Cacdac na nais nilag maresolba agad ang naturang problema.

Mahalaga aniya na matugunan ito dahil sa balakid ito sa mga OFW na nagtatrabaho doon.

Agad aniya nila iaanunsiyo sakaling maisaayos na ang gusot.