Magsasampa ang Department of Justice ng kasong kidnapping at serious illegal detention laban sa anim na indibidwal kaugnay ng pagkawala ng anim na mahilig sa sabong noong Enero.
Sa isang resolusyon na inilabas noong Disyembre 22, nakita ng Dept of Justice panel of prosecutors ang probable cause para kasuhan ang farm manager na sina Julie Patidongan, Gleer Codilla, Mark Carlo Zabala, Virgilio Bayog, Johnry Consolacion, at Roberto Matillano Jr.
Ang impormasyon ay ihahain sa Manila City regional trial court.
Ayon pa sa DOJ, natuklasan ng panel na nagsabwatan ang anim sa pagkidnap kina John Claude Inonog, James Baccay, Marlon Baccay, Rondel Cristorum, Mark Joseph Velasco, at Rowel Gomez noong January13.
Liban nito, umalis ang mga sabungero sa Tanay, Rizal ala-una ng hapon na pumunta sa Manila Arena ngunit napilitang sumakay sa isang gray na van bandang alas-7:30 ng gabi.
Sa kanilang panig, itinanggi ng mga respondent ang kanilang partisipasyon sa pagkawala ng mga sabungero na kung saan Nagtalo rin sila na walang personal na kaalaman ang mga saksi sa krimen.
Gayunpaman, sinabi ng Dept of Justice na binigyan ng konsiderasyon ng panel ang depensa dahil sa positibong pagkakakilanlan at mga testimonya ng mga testigo.
